MANILA, Philippines – Umiskor ng 19 puntos si Love Sto. Domingo na dinagdagan pa nito ng 7 rebounds upang pamunuan ang University of the East sa 53-39 panalo kontra sa University of the Philippines kahapon sa UAAP Season 79 women’s basketball tournament sa Smart Araneta Coliseum.
Pinatibay ng Lady Warriors ang kapit sa ikatlong puwesto hawak ang 7-3 panalo-talo na nagpalakas din sa tsansa nilang makapasok ng Final Four sa taong ito.
Bunga ng kabiguan, lalong nabaon sa ilalim ang eliminated nang Lady Maroons na bumaba pa sa 1-10 panalo-talo.
Nagwagi naman sa isa pang laro ang Adamson kontra sa Ateneo sa pangunguna ni Jamie Alcoy na nagtala ng 16 puntos , 65-64 sa overtime.
Umangat ang Lady Falcons sa ikaapat na puwesto taglay ang 5-6 kartada.
Ang Ateneo na nagtala ng season team high 42 turnovers ay nalaglag sa 5th spot taglay ang barahang 4-7. FML