MANILA, Philippines - Espesyal na pa-nauhin si Sports Commission (PSC) chairman Richie Garcia sa Philippine Sportswriters Association (PSA) Forum sa Shakey’s Malate.
Tatalakayin ni Garcia ang mga maaaring mangyari sa ahensiya sa pagtatapos ng termino ni outgoing President Aquino at pagpasok ng bagong administrasyon.
Gaganapin din ang awarding rites ng nakaraang PSC-PSA sportswriting seminar/contest kung saan si Garcia ang mag-a-award ng mga premyo sa top three winners.
Dadalo rin sa Forum na maririnig sa DZSR Sports Radio 918 at handog ng San Miguel Corp., Accel, Shakey’s at Philippine Amusement and Gaming Corp. si Global Boxing Union minimumweight champion Gretchen Abaniel at mga mi-yembro ng Philippine jiu jitsu team na nanalo sa IBJJF World Championship na ginanap sa Long Beach, California at sa 2nd Jiu Jitsu Regional Championship sa Hanoi kamakailan.