Ibañes sinadyang pilayan si Fajardo -- Austria

MANILA, Philippines – Muling pinanood ni San Miguel coach Leo Austria ang laro kung sa­an nagkaroon ng left knee injury si June Mar Fajar­do.

At kumbinsido siyang sinadya ni Rain or Shine guard Jireh Ibañes na pila­yan si Fajardo sa Game Six ng kanilang semifinals series noong Biyernes sa Smart Araneta Coliseum.

Binangga ni Ibañes, nag­karoon si Fajardo ng hyperextended left knee sa 7:11 minuto ng third pe­riod.

Sumalampak sa sahig ang 6-foot-10 na si Fajar­do hawak ang kanyang sumasakit na kaliwang tu­­hod.

Ilang minuto siyang na­natiling nakahiga hanggang isakay sa stretcher.

Kaagad siyang idi­niret­so sa St. Luke’s Me­dical City sa Bonifacio Glo­bal City at sumailalim sa MRI.

Ang resulta ng MRI ay ilalabas bukas.

Ngayon ay namamaga ito at posibleng ipahinga ni Fajardo sa kanilang fi­nals rematch ng Alaska para sa 2016 PBA Philippine Cup.

Kaya naman hindi nai­tago ni Austria ang pagka­inis kay Ibañes.

“He put his right foot in front of June Mar’s left then he sat on June Mar’s leg. Parang ni-Muay Thai eh,” sabi ni Austria sa gi­na­wa ni Ibañes sa nasabing rebound play.

“If it were Beau Belga, Jewel Ponferada or JR Quiñahan, yes it may be just a box out. But Ibañes came from nowhere. He’s not June Mar’s man,” dag­dag pa nito.

Humingi na ng pau­man­hin si Ibañes at si­nabing hindi niya sinasad­ya ang nangyari kay Fa­jardo.

“They may be really after June Mar as they were probably thinking they would have a better chance to win if Junmar’s not there,” sabi ni Austria.

Si Austria ang kumu­ha kay Ibañes sa PBA Draft noong 2005 habang gi­nigiyahan ang Elasto Pain­ters.