MANILA, Philippines - Ang UAAP men’s basketball title showdown sa pagitan ng Far Eastern University at University of Santo Tomas ang tampok na panauhin ngayon sa Philippine Sportswriters Association (PSA) Forum na magbabalik ngayon sa Shakey’s Malate.
Darating ang mga kinatawan ng dalawang eskuwelahang maglalaban sa best-of-three title series na magsisimula bukas, sa public sports program na maririnig ng live sa DZSR Sports Radio 918.
Inaasahang sisipot din sa sesyon na suportado ng San Miguel Corp., Shakey’s, Accel at Philippine Amusement and Gaming Corp. ang mga officials sa likod ng nalalapit na Dragonboat Circuit na handog ng Solar Sports kasama sina Stephanie Henares, public relations and advertising manager ng SM Lifestyle Entertainment Inc. at Clementine Apacible, project head ng International Premier Tennis League (IPTL) na tatalakay ng nalalapit na event na gagawin sa Dec. 6-8 sa Mall of Asia Arena bukod pa sa ibang panauhin.