MANILA, Philippines – Inaprubahan ni Freddie Roach ang pagsagupa ni Manny Pacquiao kay Terence Crawford para sa magiging pinakahuling laban ng Filipino boxing superstar.
Sa panayam ng TV Azteca, sinabi ni Roach na naipaalam na niya kay Top Rank chief Bob Arum ang kagustuhan niyang labanan ni Pacquiao si Crawford.
“I spoke to Bob Arum and he asked if I would be willing to have Pacquiao fight Terence Crawford. And I said yes, but the final decision is up to Manny,” wika ng multi-titled trainer.
Si Crawford, ang undefeated WBO super lightweight champion, ang tumatayong option para kay Pacquiao na nagbabalak nang magretiro sa Abril ng 2016 para tutukan ang kanyang political career.
Isa ring opsyon si Ti-mothy Bradley na dalawang beses nang nakaharap ni Pacquiao matapos kumuha ng technical knockout win kay Brandon Rios noong nakaraang linggo.
Naniniwala naman si Roach na posible pang mangyari ang rematch nina Pacquiao at Floyd Mayweather Jr.
“The next opponent may be Terence Crawford, but it could also be a rematch against Mayweather, if he comes out of retirement, which I think will happen and I think he will return to the ring,” sabi ni Roach.
“I’m sure Manny would make a better fight than what [he was able to do] in the first fight,” dagdag pa nito.
Ngunit ngayon ay tila malakas ang tsansa ni Crawford na makalaban si Pacquiao.