Barrios sa PSA Forum
MANILA, Philippines - Pag-uusapan ang susunod na gagawin ng Gilas Pilipinas matapos ang runner-up finish nito sa China sa nakaraang FIBA Asia Championship.
Si Samahang Basketbol ng Pilipinas (SBP) executive director Sonny Barrios ang tatalakay sa mga plano para sa national team sa Philippine Sportswriters Association (PSA) Forum ngayon sa Shakey’s Malate.
Ang public sports program na isinasaere ng live sa DZSR Sports Radio 918 ay inihahandog ng San Miguel Corp., Shakey’s, Accel at ng Philippine Amusement and Gaming Corp.
Ang runner-up finish ng Gilas ang nagbigay sa kanila ng puwesto sa Olympic Qualifying Tournament sa Hulyo 4-10, 2016.
Magiging panauhin din sa pang alas-10:30 ng umagang sesyon si Philippine Tennis Association (Philta) vice president Randy Villanueva para sa Philippine Sports Commission-Philta International tennis tournament.
- Latest
