No.55 jersey ni Mutombo ireretiro ng Hawks
ATLANTA – Ireretiro ng Atlanta Hawks ang No. 55 jersey ni Dikembe Mutombo sa susunod na season, dalawang buwan matapos siyang iluklok sa Naismith Basketball Hall of Fame.
Ginugol ni Mutombo, ang shot-blocking, finger-wagging center, ang kanyang 5-season sa Hawks.
Ayon kay Hawks CEO Steve Koonin iilang players lamang ang tulad ni Mutombo na isang humanitarian player.
Ang numero ni Mutombo ay ireretiro sa Nov. 24, kapag hinarap ng Hawks ang Boston. Ang kanyang hall of fame enshrinement ay sa Sept. 11.
Si Mutombo, lumaro sa Hawks noong 1996 hanggang 2001, ay ikatlo sa franchise history sa blocked shots at rebounds per game. Siya ay pa-ngalawa sa kasaysayan ng NBA sa blocks.
Si Dominique Wilkins (21), Lou Hudson (23), Bob Pettit (9) ang tanging iba pang players na iniretiro ang numero ng Hawks.
- Latest
