Painters, Texters pasok sa semifinals

MANILA, Philippines – Madaling umabante sa best-of-five semifinals series ang Tro­pang Texters, habang du­maan naman sa butas ng karayom ang Elasto Pain­ters.

Ang agaw ni Jeff Chan kay import Michael Dunigan ng No. 8 Barangay Ginebra sa natitirang 4.9 segundo sa laro ang nag­ta­kas sa 92-91 panalo ng No. 1 Rain or Shine sa kanilang quarterfinals match-up sa 2015 PBA Commissioner’s Cup ka­gabi sa Mall of Asia Arena sa Pasay City.

Nauna nang kinuha ng Gin Kings ang 72-63 abante sa kaagahan ng fourth quarter mula kay Japeth Aguilar bago naagaw ng Elasto Pain­ters, nagbitbit ng ‘twice-to-beat’ advantage sa quar­terfinals, ang unahan sa 90-87 sa 1:33 minuto nito.

Dalawang basket ni­na Mark Caguioa at se­ven-foot center Greg Slaughter ang nagbigay sa Ginebra ng 91-90 benta­he kasunod ang agaw ni Chan kay Dunigan para sa 92-91 kalamangan ng Rain or Shine sa nala­la­bing 4.9 segundo.

Ang mananalo sa best-of-three quarterfinals series ng No. 4 NLEX Road Warriors at No. 5 Meralco Bolts ang lalabanan ng Elasto Painters sa semis.

Dinomina naman ng No. 2 Talk ‘N Text, may hawak na ‘twice-to-beat’ incentive, ang No. 7 Barako Bull, 127-97.

Umiskor si import Ivan Johnson ng 35 points pa­ra sa ikaapat na su­­nod na semifinals stint ng Talk ‘N Text.

Makakatapat ng Tropang Texters sa semis se­ries ang ma­nanaig sa duwelo ng No. 3 Purefoods at No. 6 Alas­ka.

Tangan ang 1-0 bentahe sa serye, sasagupain ng Hotshots ang Aces nga­yong alas-3 ng hapon, habang lalabanan ng Bolts ang Road Warriors sa alas-5:15 sa Smart Araneta Co­liseum.

Pinatumba ng Purefoods ang Alaska, 120-86, at tinalo ng Meralco ang NLEX, 97-82, sa Game One noong Biyernes.

TALK ‘N TEXT 127 – Johnson 35, Castro 18, De Ocampo 16, Rosser 12, Fo­nacier 10, Alas 8, Seigle 8, Washington 5, Williams 4, Espiritu 3, Carey 2, Labagala 2, Reyes 2, Aban 2, Miller 0.

Barako Bull 97 – Alabi 23, Intal 22, Lanete 13, Pascual 12, Garcia 6, Lastimosa 6, Marcelo 6, Mercado 4, Hubalde 3, Salvador 2, Salva 0, Paredes 0.

Quarterscores: 45-23; 75-44; 101-73; 127-97.

RAIN OR SHINE 92 – Chism 17, Chan 17, Almazan 17, Lee 9, Norwood 9, Uyloan 5, Araña 4, Quiñahan 4, Cruz 4, Teng 2, Tiu 2, Belga 2, Teng 0.

Ginebra 91 – Slaughter 26, Aguilar 14, Caguioa 14, Dunigan 11, Urbiztondo 7, Tenorio 7, Helterbrand 5, Yeo 4, Baracael 3, Ellis 0.

Quarterscores: 21-18; 44-42; 63-68; 92-91.