MIAMI -- Nagbalik sa Miami Heat locker room si Chris Bosh sa unang pagkakataon matapos ang halos isang buwan at nagsalita tungkol sa kanyang sakit.
Nagbigay si Bosh ng impromptu speech sa unang pagkakataon matapos madiskubreng may blood clots sa kanyang baga na naglagay sa kanyang buhay sa panganib.
Sinabi niyang ang pinakamasakit na kanyang nararamdaman ay ang hindi siya makapaglaro ng basketball.
“It was great having him here,’’ sabi ni Heat guard Dwyane Wade.
Malapit nang maka-recover si Bosh at inaasa-hang makakabalik sa NBA.
Ibinunyag ng Heat na maaari na siyang payagang mag-ehersisyo sa susunod na buwan kasunod ang pagsali sa ‘full basketball activities’ sa September.