Maraming na-excite sa formal announcement ng laban nina Manny Pacquiao at Floyd Mayweather Jr.
Kanya-kanya na ng hula kung sino ang mananalo sa dalawa.
Iisa lang ang sigurado sa labang ito.
Ang mega showdown na ito ang babasag sa lahat ng boxing record sa history.
At siyempre, ngayon pa lang, sinasabi na ni Mayweather na tatalunin niya si Pacquiao. Si Manny nga raw ang magiging ika-48 biktima niya.
Kesyo hindi malaking laban ito para sa kanya. Ordinaryong laban lang daw ito.
Hindi pa naman nagsasalita si Pacquiao laban kay Mayweather.
Mas maigi nga ‘yun. Sa May 2 sa loob ng boxing ring na lang niya ipakita ang gusto niyang sabihin.
* * *
Tuwing may laban si Pacquiao ay tumitigil ang mundo ng mga Pinoy.
Sa Pacquiao-Mayweather fight, hindi lang mundo ng mga Pinoy ang titigil. Malamang na titigil ang pag-ikot ng buong mundo para panoorin ang klasikong labanang ito.
* * *
Siguradong maraming mga bigating tao ang manonood ng laban ni Pacquiao. Sinu-sino kayang mga Kongresista ang dadayo sa Las Vegas?