MANILA, Philippines - Nakabangon ang Emilio Aguinaldo College sa first set loss para balikan ang Arellano University, 24-26, 25-19, 25-21, 25-17 at palakasin ang kanilang tsansa sa ikalawang championship appearance sa 90th NCAA men’s volleyball tournament sa The Arena sa San Juan City.
Humataw si Howard Mojica ng match-high na 24 hits, ang 21 ay mula sa kills, para sa unang panalo ng Generals sa semifinals at makalapit sa una nilang best-of-three finale.
Umabante ang EAC sa finals noong nakaraang taon ngunit tinalo ng Perpetual Help na dumiretso sa kanilang pang-apat na sunod na titulo.
Ngayong season ay hindi pa natatalo ang Ge-nerals ng isang laro sa kanilang 10 asignatura, kasama dito ang nine-game sweep sa elimination round.
Pinatibay din ng College of St. Benilde ang kanilang pag-asa sa finals nang gitlain ang five-peat-seeking Perpetual Help, 25-12, 29-27, 19-25, 25-20.
Nagpamalas si Johnvic de Guzman ng kaha-nga-hangang 33-hit performance para sa tagumpay ng Blazers laban sa Altas.