MANILA, Philippines – Makikita kung gaano kalakas ang Hapee Fresh Fighters, habang solong liderato ang paglalabanan ng Jumbo Plastic Giants at Cebuana Lhuillier Gems sa PBA D-League Aspirants’ Cup ngayon sa Ynares Sports Arena sa Pasig City.
Makakatapat ng Hapee ang AMA University Titans sa unang laro sa ganap na alas-12 ng tanghali.
Hahawakan ni coach Ronnie Magsanoc, sina import Ola Adeogun, Baser Amer at Arthur dela Cruz ng NCAA champion San Beda Red Lions ay sasamahan nina Bobby Ray Parks Jr., Garvo Lanete, Chris Newsome, Earl Scottie Thompson, Arnold Van Opstal at Kirk Long.
Ang mapagsama-sama bilang isang koponan ang magiging hamon kay Magsanoc para mapangatawanan ang pagiging paborito sa liga.
Maghaharap ang Giants at Gems sa ikalawang laro sa alas-2 ng hapon at ang Tanduay Light Rhum Masters at MJM M-Builders-FEU ay magsasagupa sa alas-4.
Galing ang Giants ni head coach Stevenson Tiu sa 79-74 panalo sa Bread Story-Lyceum sa kanilang huling laro.
Ang dugtungan ang 89-70 panalo sa Racal Motors ang gagawin ng bataan ni coach David Zamar at huhugot siya ng puntos kina Paul Zamar, Allan Mangahas at Almond Vosotros.