MANILA, Philippines - Mula sa kanilang pagiging maigting na magkaribal ay magiging magkasangga naman ang ilang players ng National University at Far Eastern University para sa darating na PBA D-League Aspirant’s Cup.
Makakasama nina NU Bulldogs Gelo Alolino, Glenn Khobuntin at Tristan Perez sa MJM Builders ang mga FEU Tamaraws na sina Mythical Five awardee Mac Belo, Mike Tolomia, Carl Bryan Cruz, Raymar Jose, Ron Dennison, Anthony Hargrove, Russel Escoto at Achie Iñigo.
Magsisimula ang 2014 PBA D-League Aspirant’s Cup bukas.
Sina Alolino, Khobuntin at Perez ang naging sandata ng Bulldogs sa paggiba sa Tamaraws sa nakaraang best-of-three championship series ng 77th UAAP men’s basketball tournament.
Ang FEU ang school tie-up ng MJM Builders.
Sina dating Tamaraw Gryann Mendoza at University of the East Red Warrior Dan Alberto ay nasa line-up din ng MJM Builders na gagabayan ni FEU head coach Nash Racela.