MANILA, Philippines - Pinatunayan ng kabayong Malaya na tama ang deklarasyon ng bayang karerista bilang outstanding favorite ito sa Philracom Sampaguita Stakes Race nang dominahin ang 1,800-metro karera kahapon sa Metro Turf Club sa Malvar, Batangas.
Si Jonathan Hernandez ang hinete ng kabayong pag-aari ni Mandaluyong City Mayor Benhur Abalos para hablutin ang ikalawang stakes win at ang P900,000.00 premyo mula sa P1.5 milyon na isinahog ng nagtaguyod na Philippine Racing Commission.
Ito ay isa sa tatlong P1.5 milyon races na pinaglabanan sa pagtatapos ng dalawang araw na pista sa ikatlong racing club sa bansa. Ang PCSO Anniversary Cup at Don Juan Derby ang iba pang malaking stakes races na nakataya kahapon.
Ang winning time ng nanalong kabayo ay 1:49 sa kuwartos na 13’, 23, 23, 23, 26’.
Halos limang dipa ang layo ng pumangalawang Cat’s Diamond bago sumunod na Queen Quaker ni Fernando Raquel Jr., Spring Collection at ang Morning Time ni CV Garganta ang nabugaw sa limang naglaban.
Ang pumangalawa hanggang pumang-apat sa dati-ngan ay may P350,000.00, P200,000.00 at P150,000.00 gantimpala.
Kinapitalisa naman ng Cat’s Thunder ni John Alvin Guce ang disgrasyang inabot ni Val Dilema sakay ang outstanding Epic para manalo sa 2014 Philracom/KDJM Juvenile Fillies Stakes na pinaglabanan sa 1,400-metro distansya.
May winning time na 1:24.8 sa kuwartos na 13, 22, 22’, 27, para maiuwi sa SC Stockfarm Inc. ang P300,000.00 unang gantimpala sa P500,000.00 na pinaglabanan.
Pumangalawa ang Shout For Joy na hawak ni Hernandez para sa P112,500.00 kasunod ang Clandestine at Tubbataha Reefs tungo sa P62,500.00 at P25,000.00.