Timberwolves nagpalakas

MINNEAPOLIS -- Hin­di pa nakakapaglaro sa playoffs ang Minnesota Timberwolves sa nakaraang 10 taon at nai-trade na ang kanilang star pla­yer para makipagtulu­ngan kay LeBron James na bigyan ng NBA crown ang Cleveland Cavaliers.

Matapos dalhin si Ke­­­vin Love sa Cavaliers ka­­palit nina Andrew Wiggins, Anthony Bennett at Thaddeus Young, naka­ben­ta ang Timberwolves ng higit sa 300 full season-ticket packages noong nakaraang linggo.

Tinalo nito ang dating record noong 2011 nang iha­yag ni Ricky Rubio na maglalaro siya para sa Min­nesota.

“The organization, from president-level on down has just been re-ener­gized,” pahayag ni Tim­berwolves senior vice pre­sident at chief revenue off­icer Ryan Tanke sa pang­yayari. “Part of it is hope, and you have this great new hope.”