MANILA, Philippines - Ikinumpara ni chief trainer Freddie Roach si Chris Algieri kay boxing legend Oscar De La Hoya.
Sinabi ni Roach na parehong may magandang jab sina Dela Hoya at Algieri.
“Algieri is still young and he has a long way to go. They both have good left hands. Oscar was left-handed, and he had a great jab and a great hook,” pagkukumpara ni Roach kina Algieri at De La Hoya.
“This guy has a good jab and his hook is okay, but he has some similarities. They are about the same height,” dagdag pa ng trainer.
Ganap na dinomina ni Manny Pacquiao si De La Hoya sa kanilang laban noong Disyembre 2008.
Sa nasabing bakbakan ay napilitang umayaw si De La Hoya bago magsimula ang ninth round.
Idedepensa ng 5’6 ni Pacquiao (56-5-2, 38 KOs) ang kanyang hawak na World Boxing Organization (WBO) light welterweight crown kontra sa 5’10 na si Algieri (20-0-0, 8 KOs) sa Nobyembre 22 sa The Venetian sa Macau, China.
Gagawin ang naturang laban ng 35-anyos na si Pacquiao at ng 30-anyos na si Algieri sa catchweight na 144 pounds.