MANILA, Philippines - Anim na taon na ang nakakaraan nang bumisita siya sa bansa, ngayon ay sasamahan ni National Basketball Association (NBA) superstar Gilbert Arenas si Allen Iverson sa isang charity basketball event sa Nobyembre.
Makakatambal ni Arenas, ang three-time All-Star, ang dating NBA MVP na si Iverson para sa “All In,” isang basketball fundraiser para sa Gawad Kalinga, sa Nobyembre 5 sa Mall of Asia Arena.
Kilala sa tawag na “Agent Zero”, makakasama din ni Arenas si dating NBA star Eddie Curry at isang local selection na binubuo ng mga players mula sa NCAA, UAAP at PBA laban sa Ball Up Streetball All-Stars na hahawakan ni Iverson bilang head coach.
“I’m excited to come back and see everyone in the Philippines,” sabi ni Arenas, nagbida sa Washington Wizards noong 2003-10.
Inihahandog ng PcWorx, ang tiket para sa “All In” ay mabibili na sa lahat ng SM Tickets outlets, PcWorx branches at sa online sa www.smtickets.com.
Ang halaga ng mga tiket ay P6,500 (VIP), P5,500 (Patron), P4,000 (Lower Box), P2,000 (Upper Box) at P600 (General Admission).