Milo Little Olympics, NCAA South, PVF panauhin sa PSA Forum ngayon
MANILA, Philippines - Nakalinya bilang mga panauhin ang Milo Little Olympics, NCAA South, Energizer Night Race at ang Philippine Volleyball Federation sa Philippine Sportswriters Association (PSA) Forum ngayon sa Shakey’s Malate.
Sina Milo sports marketing executive Robbie de Vera at Milo sports marketing manager Andrew Neri ang tatalakay sa Milo Little Olympics sa sesyon na inihahandog ng Shakey’s, Accel at ng Philippine Amusement and Gaming Corp., habang si secretary general Rustico ‘Otie’ Camangian ang maglalahad ng mga local at international tournaments na idaraos ng PVF.
Bilang NCAA-South ManCom chairman, si Camangian ng Perpetual Help-Laguna ay sasamahan nina Faith athletic director Lito Arim at Emilio Aguinaldo College counterpart Anthony Villadelgado ukol sa darating na season ng liga.
Magkukuwento naman si Energizer Philippines product manager on lights Lady Reyes tungkol sa Ener-gizer Night Race.
- Latest
