COLORADO SPRINGS, Colo. - Idinagdag si Washington Wizards point guard John Wall sa U.S. player pool para sa darating na 2014 World Cup of Basketball.
Ang 19 players na nasa listahan ay babawasan sa 12 para sa torneong idaraos sa Spain sa susunod na buwan.
Noong Huwebes ay umayaw si Los Angeles Clippers forward Blake Griffin.
Sinabi ni Griffin na nais niyang magpalakas ng katawan para sa darating na NBA season.
Nauna nang umayaw si Russell Westbrook ng Oklahoma City Thunder.
Nagtala si Wall ng mga averages na 19.3 points at 8.8 assists sa nakaraang NBA season na nagbigay sa kanya ng una niyang All-Star appearance.
Magsasagawa ang mga Americans ng isang training camp sa Las Vegas sa Hulyo 28 hanggang Agosto 1.
Ang iba pang players na nasa training pool ay sina Kevin Durant, James Harden, Paul George, Derrick Rose, Kevin Love at Stephen Curry.