ALMATY, Kazakhstan – Umabante si World Series of Boxing (WSB) standout Charly Suarez sa gold medal round matapos gibain si Otdondalai ng Mongolia sa President’s Cup dito sa Baluak Sholan Palace of Culture and Sports.
Tumanggap si Suarez, tubong Sawata, Davao del Norte, ng mga iskor na 30-27 at 29-28 para sa kanyang tagumpay.
Makakalaban ni Suarez para sa gold medal si Berik Abdrakhmanov ng Kazakhstan.
Samantala, asam din ni Rey Saludar na makapasok sa gold medal round sa pagsagupa kay Ilyas Suleimenov ng Kazakhstan sa kanilang semifinal match sa flyweight class.
Ang pagsabak ng PLDT-ABAP sa torneo ay bahagi ng kanilang final selection process para sa Asian Games line-up.
Kakampanya naman ang isa pang grupo sa China Open sa Guiyang, China.