Blatche bibisita sa Pinas

MANILA, Philippines - Nakatakdang dumating sa bansa ngayong umaga si Brooklyn Nets’ center Andray Blatche para personal na makilala ang mga miyembro ng Gilas Pilipinas.

Ito ang ibinunyag kahapon ni Gilas Pilipinas coach Chot Reyes sa kanyang official Twitter account na @coachot.

“He’s on the plane. Arriving tom, 10 a.m. @drayblatche is coming to town,” wika ni Reyes sa 6-foot-11 na si Blatche.

May maikling tweet naman si Blatche.

“Kumusta Manila #LabaPilipinasPuso! @coachot.” ani Blatche sa kanyang Twitter account na @drayblatche.

Magtatagal ang NBA veteran sa loob ng dalawa hanggang tatlong araw kung saan gusto niyang pasa­lamatan ang mga mambabatas na nagpasa ng isang panukala para gawin siyang naturalized Filipino. 

Ang naturang bill ay kailangan pa ng lagda ni Pa­ngu­long Benigno ‘Noynoy’ Aquino III para tuluyan nang mabigyan ng Filipino citizenship si Blatche.

Umaasa si Reyes at ang Samahang Basketbol Pi­lipinas (SBP) na matutulungan ni Blatche ang Gilas pa­ra sa FIBA-World Cup sa Spain sa Agosto at sa Asian Games sa Incheon, Korea sa Setyembre.

Natalo ang Nets sa Miami Heat, 1-4, sa nakaraan ni­lang NBA semifinal series.