Sinibak ang Indiana sa East: Miami pasok sa NBA Finals

MIAMI -- Sa kabuuan ng regular season, hinamon ng Indiana Pacers ang pagiging superyor ng Miami Heat sa Eastern Con­ference.

At dinala ito ng Pacers sa playoffs.

Sinagot naman ito ng Heat mula sa isang dominanteng panalo.

Umiskor sina LeBron James at Chris Bosh ng tig-25 points at pinatalsik ng Miami ang Indiana sa ikatlong sunod na taon sa pamamagitan ng 117-92 panalo sa Game 6 ng kanilang East championship series.

“I’m blessed. Very blessed. Very humbled,’’ sa­bi ni James. “And we won’t take this opportunity for granted. It’s an un­believable franchise, it’s an unbelievable group. And we know we still have work to do, but we won’t take this for gran­ted. We’re going to four straight Finals and we will never take this for gran­ted.’’

Nagdagdag naman si­na Dwyane Wade at Ra­shard Lewis ng tig-13 points para sa Heat, naka­pasok sa kanilang pangat­long sunod na NBA Finals appearance.

Itinala ng Miami ang isang franchise record sa kanilang ika-11 sunod na home postseason win.

Mula sa 2-9 pagkaka­iwan sa Pacers sa first pe­­riod ay kumamada ang Heat kung saan sila naka­pagtayo ng 37-point lead.

Ang layup ni James sa 3:39 minuto sa third period ang nagbigay sa Miami ng 86-49 kalamangan.

Binanderahan ni Paul George ang Pacers sa kanyang 29 points kasunod ang 16 ni David West.