Ikalawang sunod na BPC tinatarget ni Fajardo

MANILA, Philippines - Matapos si Mark Ca­guioa ng Barangay Gi­neb­ra ay si June Mar Fajar­do na­man ng San Miguel Beer ang maghahangad na makopo ang kanyang ika­­lawang sunod na Best Pla­­yer of the Conference award.

Binanderahan ng 6-foot-10 na si Fajar­do ang sta­tistical points stan­dings sa pagtatapos ng elimination round ng ka­saluku­yang 2014 PBA Commissioner’s Cup.

Nagposte ang Cebuano center ng mga avera­ges na 12.6 points, 10.7 re­bounds, 1.3 assists, 0.6 steals at 1.9 blocks para ma­­kolekta ang 31.71 ave­rage statistical points (SP).

Hinirang si Fajardo bi­lang Best Player of the Con­ference ng nakaraang PBA Philippine Cup.

Nagawa naman ng 6’1 na si Caguioa na ma­sikwat ang kanyang da­la­wang sunod na BPC tro­phy noong 2012 PBA Commissioner’s at Go­vernors’ Cups.

Nasa ilalim ni Fajar­do para sa naturang kara­ngalan ang kakamping si Ar­wind Santos na may 31.67 SP.

Inangkin naman nina Ra­nidel de Ocampo at Jayson Castro ng Talk ‘N Text ang ikatlo at ikaapat na puwesto mula sa ka­nilang 30.2 SP at 30.1 SP, ayon sa pagkakasunod.

Inupuan ni Marcio Las­siter ng San Miguel Beer ang pang-limang po­sisyon sa kanyang 28.0 SP.

Ang iba pang nasa Top 10 ay sina Asi Taulava ng Air21 (26.1), Rain or Shine scorer Paul Lee (25.7), San Miguel Beer guard Chris Ross (25.3), seven-foot Ginebra rookie Greg Slaughter (25.2) at Meralco outside sniper Ga­ry David (24.3).

Maliban kina De Ocampo at Castro ang iba pang Tropang Texters na na­sa Top 20 ay sina Jimmy Alapag (11th), Niño Ca­­naleta (12th), Larry Fo­nacier (14th) at Kelly Williams (16th).

Sa Best Import race ay kaagad namuno si two-time Best Import Gabe Free­man ng Ginebra sa kan­­yang 54.0 SP kasunod sina Darnell Jackson (52.3 SP), ng Meralco at Kevin Jones (51.9 SP) ng San Mi­guel Beer.