‘Pacman’ binisita si ‘PNoy’

MANILA, Philippines - Isang linggo matapos resbakan si Timothy Bradley, Jr. sa Las Vegas, Nevada ay nagtungo si boxing icon Manny Pacquiao sa Palasyo para sa courtesy call kay Presidente Benigno ‘Noynoy’ Aquino III kahapon.

Nag-usap sina Pangulong Aquino at Pacquiao sa Mu­sic Room ng Malacañang.

“Magkaibigan naman si Pangulo at saka si Con­gres­s­man Manny Pacquiao. Usually kapag sinabi na­ting talking points it’s a business meeting. Meron ta­lagang naka-set na agenda. Sa aking palagay, ito ay pag­kikita lamang ng dalawang magkaibigan at pagpapalitan ng paghanga at pasasalamat,” sabi ni Communication Secretary Sonny Coloma.

Sinasabing nagkaroon ng tampo si Pacquiao sa Ma­lacañang dahil sa lantarang paghahabol ng Bureau of Internal Revenue (BIR) sa Sarangani Congressman.

Hinahabol ng BIR si Pacquiao dahil sa utang nitong P2 bilyon sa buwis.