International Ice Skating sa Abril 21-26

MANILA, Philippines - Idaraos ang biga­ting Interna­tional Ska­ting Union (ISU) World Deve­lopment Trophy sa SM Ska­ting Rink sa SM Me­­ga­mall sa Abril 21 hanggang 26.

Kabuuang 56 skaters mula sa 15 countries ang makikita sa aksyon.

Maglalaro sa World De­velopment Trophy, inorganisa ng ISU sa pa­kikipagtulungan sa Phi­lip­pine Skating Union (PhSU), ang mga skaters mula sa Pilipinas, Argentina, Hong Kong, India, Indonesia, Malaysia, Mon­golia, New Zealand, South Ko­rea DPR, Singapore, South Africa, Chinese-Taipei, Thailand, United Arab Emirates at Uzbekistan.

Anim na skaters ang kakatawan sa bansa sa nasabing torneo sa juniors, Novice A at No­vice B.

Ang mga ito ay sina So­fia Guidote, Audrey Al­caraz, Alyssa Comia, Elia Mendoza, Keith Ste­phanie Angeles at Dominique Katigbak.

Nauna nang pinamahalaan ng PhSU ang 2013 ISU Development Tro­phy noong Abril ng na­karaang taon sa SM Mall of Asia Ice Skating Rink kung saan 53 ska­ters buhat sa 11 bansa ang lumahok.