MANILA, Philippines - Nasa maigting na paghahanda ngayon sina Filipino world champions Merlito ‘Tiger’ Sabillo (23-0-1, 12 KO’s) at Donnie ‘Ahas’ Nietes (32-1-4, 18 KO’s) para sa kanilang darating na title defense.
Nasa kanilang ikalawang linggo na sina Sabillo at Nietes sa pagsasanay sa San Diego,California sa ilalim ni dating boxer trainer Michael Domingo.
Sumama na rin sa grupo si ALA Gym chief trainer Edito Villamor noong Marso 2.
Nakatakdang idepensa ni Sabillo ang kanyang WBO minimumweight title laban kay Mexican Francisco Rodriguez (13-2-0, 9 KO’s) sa Marso 22 sa AreÂna Monterrey, Monterrey, Nuevo León, Mexico.
Ipagtatanggol naman ni Nietes ang kanyang suot na WBO light flyweight belt sa kanilang rematch ni Moises Fuentes (19-1-1, 10 KOs) sa Mayo 10 sa Mall of Asia Arena sa Pasay City.
Nauwi sa majority draw ang laban nina Nietes at FuenÂtes sa kanilang unang paghaharap noong 2013.