MANILA, Philippines - Walang puwang sa PBA D-League ang ‘racial insult’ na ginawa ni Cagayan Valley utility man Bernard Santos.
Ito ang ipinamukha kay Santos ng Commissioner’s Office matapos siyang patawan ng 10-la-rong suspensyon bunga ng pagwagayway ng saging para insultuhin si NLEX center Ola Adeogun sa naganap na tagisan ng Rising Suns at Road Warriors noong Enero 28.
“After hearing the sides of Cagayan Valley utility man Bernard Santos and NLEX player Ola Adeogun, the Office hereby finds that Mr. Santos had committed acts against Mr. Adeogun that are considered racially insulting. Let me state that racism has no place in the PBA and should be unacceptable in sports in general,†wika ni league commissioner Atty. Chito Salud.
Ang aksyon ni Santos ay nagsimula sa ikatlong yugto ng nasabing labanan na napanalunan ng Rising Suns, 78-74.
Nakunan ito ng video ng Spin.ph na siyang pinagbatayan ng imbestigasyon.
Itinanggi ni Santos na sadya niya itong ginawa ngunit hindi lumusot ang katuwiran kay Salud.
“Whether out of ma-lice or ignorance, the act of waving a banana while carrying out motions akin to an animal is decidedly racially derogatory and pejorative. Such act and other acts that are racially colored will be dealt with as sternly as possible by the league,†pagdidiin ni Salud.
Humingi rin siya ng paumanhin sa Nigerian center na si Adeogun at sa kanyang mga kababayan at tiniyak na ang mga Fi-lipino ay hindi tumitingin sa kulay, lahi at pananampalataya.
Ang suspensyon ay sisilbihan ni Santos sa Foundation Cup dahil talsik na ang Cagayan Valley sa Aspirants’ Cup. (AT)