MANILA, Philippines - Nagpatuloy ang maÂgandang takbo ng Elegant April nang kumubra ng panalo sa mas mataas na gruÂpo noong Biyernes ng gabi sa San Lazaro Leisure Park sa Carmona, CaÂvite.
Si apprentice rider AG Avila ang pinagdiskarte sa kabayo na kumarera kasama ang coupled entry na Dancing Rags at napaÂngatawanan ng tambalan ang pagiging liyamado sa sampung kabayo na nagÂlaban-laban sa class diÂvision 2 race sa distansyang 1,500-metro.
Nakipagsukatan ang EleÂgant April sa April Style ni Dominador BorÂge Jr. ngunit mas malakas ang dating ng una para biguin ang huli sa tangkang ikalawang sunod na panalo matapos ang tatlong takbo sa taon.
Balik-taya na P5.00 ang ibinigay sa win, habang P11.50 ang ipinasok sa 7-2 forecast.
Nanggulat naman ang Great Delta sa special handicap race sa 1,400m.
Hindi tumimbang ang kabayong dala ni MD De Jesus sa unang takbo noÂong Enero 18 kaya’t hinÂdi inakala na kaya ng tamÂbaÂlan na manalo at putuÂlin ang dalawang dikit na tagumpay ng paborito sa karera na Tisay.
Kumabig ng P230.50 ang win, habang P54.50 ang ipinasok ng 6-5 forecast.
Samantala, tampok ngayong hapon sa Santa Ana Park sa Naic, Cavite ang 1st leg ng Philracom Imported/Local Stakes na gagawin sa 1,600m.