Painters sa semis; Aces humirit pa

Laro Bukas

(Mall of Asia Arena, Pasay City)

5:45 p.m. Talk ‘N Text vs San Mig Coffee

8 p.m. Petron

vs Barako Bull

MANILA, Philippines - Inangkin ng Rain or Shine ang unang semifinals berth, habang humirit ang Alaska ng isang ‘sudden-death’ game.

Tinalo ng No. 2 Elasto Painters ang No. 7 Glo­bal­port Batang Pier, 106-96, pa­­ra umabante sa se­mifinal round ng 2013-2014 PBA Philippine Cup kagabi sa Mall of Asia Are­na sa Pasay Ci­ty.

Sa ikalawang laro, gi­niba ng No. 8 Alaska ang No. 1 Barangay Ginebra, 104-97.

Sa kanilang ikalawang pagkikita ay pag-aagawan ng Gin Kings, may hawak na ‘twice-to-beat’ incentive, ang isa sa tatlong se­mifinals seat.

Itinala ng Alaska ang isang 16-point advantage, 92-76, sa 7:03 ng final canto at hindi na nilingon ang Ginebra.

Papasok naman ang Elasto Painters sa se­mi­finals series na bitbit ang franchise-best na eight-game winning streak.

“We kept our winning streak but we don’t want to focus on that. We want to focus on semis,” ani coach Yeng Guiao.

Kinuha ng Rain or Shine, nagdala ng ‘twice-to-beat’ advantage, ang isang 16-point lead, 79-63, sa third period bago na­kalapit ang No. 7 na Glo­balport sa 96-98 sa du­lo ng fourth quarter.

Ang isang three-point shot ni 6-foot-6 Beau Bel­ga ang muling naglayo sa Rain or Shine sa 101-96 kasunod ang kanyang split para iwanan ang Globalport sa 102-96.

RAIN OR SHINE 106 -- Cruz 18, Belga 17, Rodriguez 16, Norwood 14, Araña 10, Lee 10, Quiñahan 5, Tang 5, Almazan 4, Tiu 3, Nuyles 2, Teng 2, Ibañes 0.

Globalport 96 -- Romeo 23, Nabong 18, Mercado 16, Yee 7, Menk 7, Hayes 6, Salvador 6, Lingganay 5, Chua 4, Ponferada 4, Belencion 0, Salva 0, Garcia 0.

Quarterscores: 35-29; 60-52; 86-77; 106-96.

ALASKA 104 -- Hontiveros 18, Baguio 18, Casio 16, Abueva 16, Thoss 13, Espinas 12, Jazul 10, Eman 1, Belasco 0, Dela Cruz 0, Exciminiano 0.

Ginebra 97 -- Aguilar 22, Tenorio 16, Caguioa 15, Ur­biztondo 13, Slaughter 12, Helterbrand 9, Ellis 4, Re­yes 4, Baracael 2, Ababou 0, Monfort 0.

Quarterscores: 23-20; 55-51; 80-71; 104-97.