MANILA, Philippines - Matutuon ang talakayan ukol sa 32nd Olympic Council of Asia (OCA) General Assembly na gaganapin dito sa bansa sa session ngayon ng PSA Forum sa Shakey’s Malate.
Inaasahang darating sina Philippine Olympic Committee (POC) president Jose ‘Peping’ Cojuangco Jr. at Vinod Kumar Tiwari, director ng International and National Olympic Committee relations ng OCA, sa session na maririnig ng live sa DZSR Sports Radio 918 para sa event na may koneksiyon din sa OCA Executive Board meeting at Asian Games Centennial Celebrations.
Panauhin din sa public sports program na hatid ng Shakey’s at Philippine Amusement and Gaming Corp., sina Jam Evaristo at Fritz Infante para sa Shakey’s girls volleyball kasama sina Dan Villa at Koi Castillo para sa SeaFair 2014.
Inaasahang darating din sina derby manager Dong Lamoste, Uniprom sales and marketing manager Gines Enriquez, PR manager Paula Abioag at Ada de Pedro para talakayin ang nalalapit na World Slasher Cup.