Lady Falcons nagtala ng 38 sunod na panalo

MANILA, Philippines - Dumiretso sa kanilang ika-38 sunod na panalo ang three-time defending champions na Adamson Uni­versity matapos talu­nin ang National University, 12-2, sa UAAP wo­men’s softball tournament ka­hapon sa Rizal Memorial Baseball Stadium.

Umiskor ng tig-isang two-run homeruns sina An­na­lie Benjamen at An­­gelie Ursubia para sa do­minasyon ng Lady Falcons sa Lady Bulldogs.

Winalis ng Adamson ang NU, 2-0, sa kanilang best-of-three championship series noong Season 75.

Ito ang ika-38 sunod na arangkada ng San Marcelino-based team sapul no­ong 2010.

Kinuha ng Lady Falcons ang liderato sa bisa ng perpekto nilang 4-0 kar­tada, habang may 3-1 ba­raha ang Lady Bulldogs.

Ang two-run homer ni Benjamen ang naglayo sa Adamson sa 3-0 bago hu­mataw si Ursubia sa su­munod na inning para iba­on ang NU sa 8-0.

Nanaig naman ang UST laban sa La Salle, 11-3, para pantayan ang NU sa ikalawang puwesto (3-1)  at ginulat ng Ateneo ang UP, 5-4.

Ito ang unang panalo ng Lady Eagles para sa 1-4 marka.