Brandon Rios bagsak sa drug testing

MANILA, Philippines - Bumagsak si Brandon Rios sa urinalysis na isina­ga­wa matapos ang laban nila ni Manny Pacquiao no­ong Nobyembre 24 sa Macau, China.

Ito ang ika-lima at hu­ling pagsusuri na isinagawa ng Voluntary Anti-Doping Agency (VADA) para ma­laman kung gumagamit ng ipinagbabawal na droga ang isang boksingero.

Bago ito ay lumabas na malinis si Rios sa naunang apat na pagsusuri.

Ang droga na nakita ay ang methylexanamine o ki­lala rin bilang dimenthy­lamylamine (DMAA) na gi­nagamit sa pagpapapayat.

Naunang napaulat na na­hirapan si Rios na abutin ang 147-pound limit sa wel­terweight.