MANILA, Philippines - Tampok ang NCAA men’s Final Four sa sesyon ngayon ng PSA Forum sa Shakey’s Malate.
Darating ang mga coaches na sina Boyet Fernandez (San Beda), Caloy Garcia (Letran), Topex Robinson (San Sebastian) at Aric Del Rosario (Perpetual Help) sa public sports program na maririnig ng live sa DZSR Sports Radio 918 at hatid ng Shakey’s at Philippine Amusements and Gaming Corporation (PAGCOR), para talakayin ang kanilang sagupaan sa Final Four bukas.
Darating din ang mga mixed martial artists na sina Mark Streigl at Ale Cali para sa nalalapit na PXC 41 fight card, sina Tempra senior product manager Cleo Roda Nodado at race director John Henry Mariano para sa 2013 Tempra Run Against Dengue at dating basketball great na ngayon ay Manila Sports Council chairman na si Philip Cesar at Darren Evangelista ng Sports Management para sa Rite-Med Manila Youth Basketball League.