Hiling ng San Beda College sa NCAA ManCom Sapat na panahon para sagutin ang isyu ukol kay Koga

MANILA, Philippines - Umaasa ang San Beda College na makakakuha sila ng pantay na pagtra­to sa isinasagawang imbes­tigasyon patungkol sa ale­gasyon na naglaro sa ibang liga si San Beda guard Ryusei Koga habang idinadaos ang 89th NCAA men’s basketball.

Nagtatag na ang Ma­nagement Committee sa pa­­ngunguna ng chairman Dax Castellano ng host St. Benilde ng isang komite para suriin ang alegasyon pero hindi binanggit ni Cas­tellano kung tunay ba na mayroong nagrereklamo laban sa Red Lions.

Tinanggap ng San Beda ang imbestigasyon pe­ro hanap din nila ng ma­bigyan ng due process at hindi ang basta-basta na lamang babawiin ang mga nakuhang panalo kung mapatunayan na lumabag nga si Koga sa alituntunin ng liga.

“We’ll cooperate (in­ves­tigation). But I just hope that they will give us time to respond and not just make a sudden change in the standings to be fair to us,” wika ni San Beda team manager Jude Roque.

Suspensyon ng tatlong laro ang ipapataw kay Ko­ga kung mapatunayan ang alegasyon, habang ba­bawian ang San Beda ng mga napanalunang laro mu­la sa petsang nadiskub­re na naglaro sa ibang liga ang kanilang manlalaro.

Sinasabing isang inter-barangay league sa Pa­rañaque City naglaro si Ko­ga noong Setyembre 17.

May anim na laro pa ang hinarap ng Red Lions pero lima lang ang napag­laruan ni Koga.

Sa bilang na ito ay apat ang naipanalo ng San Be­da at kung babawiin ito, malalaglag sila mula sa unang puwesto (15-3) tungo sa pang-apat na puwesto sa 11-7 baraha.

Hindi naman nakaka­apekto ang problemang ito sa Red Lions at kama­kailan ay nagsagawa ng team building para pagtibayin pa ang samahan.

Ang paghahanda ay nakatuon pa rin sa pag­ha­rap sa Perpetual Help na siyang orihinal na nasa ika­apat na puwesto  matapos ang double round eli­mination.