MANILA, Philippines - Inihayag ng Voluntary Anti-Doping Association (VADA) na sumailalim na sina Manny Pacquiao at Brandon ‘Bam Bam’ Rios sa random drug testing kagaya ng kanilang napagkasunduan.
Ito ang sinabi ni VADA founder Margaret Goodman matapos ang akusasyon ni Alex Ariza, ang strength and conditioning coach ngayon ni Rios, na hindi pa dumadaan si Pacquiao sa VADA random drug testing.
“I confirm that both fighters have been tested by VADA. The results that we get go directly to the fighter, or to whomever he designates from his camp. They go to the promoter, which is obviously Top Rank, the China Commission, and it goes to the Association of Boxing Commissions,†ani Goodman.
Nilinaw ni Goodman na hindi ang VADA ang naglalabas ng resulta ng drug testing ng mga boksingero.
“The fighter can release results to the public at any time. Any other details regarding testing or results will have to come directly from the fighters’ camps, the promoter, the ABC or the China commission,†wika ng opisyal.
Ito ang unang pagkakataon na sumailalim ang Filipino world eight-division champion na si Pacquiao sa isang random drug testing protocol.
Kinuha ng Top Rank Promotions ang VADA sa ikatlong pagkakataon matapos noong Marso para sa laban ni World Boxing Organization (WBO) welterweight titleholder Timothy Bradley, Jr. laban kay Ruslan Provodnikov at sa banggaan nina Ring, WBO at World Boxing Association (WBA) super bantamweight king Guillermo Rigondeaux kontra kay Nonito ‘The Filipino Flash’ Donaire, Jr. noong Abril.
Haharapin ni Pacquiao (54-5-2, 38 KOs) si Rios (31-1-1, 23 KOs) para sa WBO International welterweight belt sa Nobyembre 24 sa The Venetian sa Macau, China.