Kukurukuku Paloma paboritong manalo

MANILA, Philippines - Muling ipapamalas ng mga kabayong  Kukuru­ku­ku Paloma at Young Turk ang kanilang husay sa paglarga ngayong ha­pon ng 2013 Philracom 3rd Leg Juvenile Fillies and Colts Stakes sa San La­zaro Leisure Park sa Car­mona, Cavite.

Anim ang kasali sa fil­lies, habang pito ang sa colts at sa magkatulad na 1,400-metro distansya ga­­gawin ang dalawang ka­­­rera na sinahugan pa ng tig-P1 milyon piso prem­yo mula sa Philippine Racing Commission (Phil­racom).

Sasakyan pa rin ni Val Dilema, ang Kukurukuku Pa­loma ay ipinapalagay bi­lang isa sa matinik na two-year old horse matapos talunin ang Young Turk at Matang Tubig sa isang 2YO Special Handicap race sa nasabing race track kamakailan.

Ang mga magtatangkang pumigil sa hanap na panalo ng kabayo ay ang Move On (FM Raquel Jr.), Priceless Joy (JB Hernandez), Pure Enjoyment (JA Guce), Up And Away (MA Alvarez) at Roman Charm (RG Fernandez).

Nakaungos ang Ma­tang Tubig sa Young Turk nang tumapos ang una sa pangalawang puwesto sa karerang dinomina ng Ku­kurukuku Paloma.

Ang mga kasali ay ang Lucky Man (RG Fernandez), Ku­lit Bulilit (FM Raquel Jr.), Mr. Bond (JB Guce), Ri­ver Mist (JT Zarate) at Proud Papa (JB Cordero).