Mixed Martial Arts tampok sa PSA Forum ngayon

MANILA, Philippines -  Pangunahing panauhin ngayon sina Mixed Martial Arts (MMA) star Mark Streigl at iba pang fighters na sasabak sa  Pacific Xtreme Combat (PXC) 39 sa lingguhang session PSA Forum sa Shakey’s Malate.

Si Streigl ay sasamahan sa public sports program nina Isaiah Ordiz at Glen Ranillo, kasama sina PXC general manager at president EJ Calvo.

Ang iba pang panauhin sa session na hatid ng Shakey’s at Philippine Amusements and Gaming Corporation at maririnig ng live sa DZSR Sports Radio 918 ay sina ALA Promotions vice president Dennis Cañete na tatalakayin ang boxing series  na ‘Idol’ at sina  Lea Macabenta, Deis Maala, at Sam Maayo na magpo-promote naman ng Phoenix Motocross Series.