6th straight win puntirya ng Ateneo kontra sa FEU ngayon

MANILA, Philippines - Mula sa 0-4 panimula ay sumasakay ngayon ang Blue Eagles sa isang five-time winning streak na si­yang pinakamahaba sa 7th UAAP men’s bas­ket­ball tournament.

Puntirya ang pang anim na sunod na ratsada, sa­sagupain ng five-time cham­pions na Ateneo De Ma­nila University ang Far Eastern University nga­yong alas-2 ng hapon ka­sunod ang salpukan ng University of Sto. Tomas at Adamson University sa alas-4 sa second round sa Smart Araneta Coliseum.

Sa unang dalawang la­ro ng Ateneo ay hindi na­kita sa aksyon si 2012 Rookie of the Year Kiefer Ra­vena dahil sa isang calf in­jury.

“Kung mapapansin nin­yo, ‘yung four wins na ‘yun, not for anything else, nandoon si Kiefer,” sa­bi ni rookie coach Bo Pe­rasol kay Ravena. “Alam naman nila na ‘yung stability, ‘yung lea­dership, nanggagaling kay Kie­fer.”

Sinikwat ng Blue Eagles ang kanilang ikaapat na sunod na panalo matapos talunin ang Falcons, 79-66, noong Agosto 25.

Sa nasabing panalo ay umiskor sina Ravena at Ryan Buenafe ng tig-18 points para sa Ateneo.

Winakasan naman ng FEU ang kanilang two-ga­me losing skid matapos walisin ang first round mu­la sa isang 98-94 double overtime win kontra sa University of the East no­ong Linggo.

Tumipa si Terrence Ro­meo ng career-high na 30 points para sa pana­naig ng Ta­maraws laban sa Red War­riors.

Sa ikalawang laro, mag-uunahan naman sa pag­bangon mula sa kabi­gu­an ang Tigers at ang Fal­cons.