MANILA, Philippines - Dumating kagabi si dating NBA All-Star Stephon Marbury sa bansa para lumaro sa isang charity basketball game na tinaguriang “A Day of Love: Stephon Marbury Gives Back†ngayon sa Asian Institute of Maritime Studies sa Pasay City.
Ang kikitain para sa fund-raiser na katatampukan ng laban sa pagitan ng Team RockStar na pangungunahan ni reigning Asean Basketball League MVP Asi Taulava at Barako Bull sa alas-7:00 ng gabi ay mapupunta sa mga batang may biliary atresia o nakamamatay na sakit sa atay na nangangailangan ng madaliang transplant sa ilalim ng Ahon Pamilyang Lansangan Foundation.
“I am a parent, I have three kids. I can only imagine what they (mga magulang) are going through seeing their children suffer like that. I will help as many people as I can, in what little way I can,†sabi ni Marbury na galing sa Seoul, Korea sa isang press statement. “When you show love, you get love in abundance. I can’t wait to play in front of my Filipino fans and raise money which I know will go for a good cause.â€
Makikibahagi rin sa fundraising game sina Dondon Hontiveros, Ro-nald Tubid, Dorian Pena, Willie Miller, Alex Crisano, Chris Ross, Billy Mamaril, Ren Ren Ritua-lo, Harvey Carey at Jay Jay Helterbrand habang si Sol Mercado ang assistant coach.
Lalaro rin sina ABL standouts Leo Avenido at Jai Reyes para sa Team RockStar.