Iran winalis ang labanan sa Group C; Kazakhstan nagdomina sa Group D

MANILA, Philippines - Kinumpleto ng Iran ang pagwalis sa Group C nang talunin ang nagdedepensang China, 70-51, kagabi.

Ito rin ang ginawa ng Ka­zakhstan sa Group D sa pa­ma­magitan ng 80-67 pana­lo sa India.

Bu­­malikwas naman kaagad ang South Korea mula sa pagkata­lo no­ong Biyer­nes laban sa Iran nang ku­nin ang 80-58 panalo kontra sa Malaysia.

May 21 puntos si Mik­hail Yevstigneyev pa­­ra pangunahan ang Ka­­zakhstan  sa pag­pa­pa­­lasap sa India ng ika­la­wang pagkatalo matapos ang tatlong la­ro.

Si Seung Jun Lee ay may 18 puntos para sa Koreans na tinapos ang laro sa Group C mula sa 2-1 karta.

Kinuha naman ng Qa­­tar ang unang puwes­to sa Group B sa 2-0 kar­ta matapos ilampaso ang Hong Kong, 87-64.

May 1-1 baraha ang Japan kasunod ang Hong Kong (0-2).

Hindi nakaisa ang Hong Kong sa dala­wang laro pero aabante pa rin sa second round da­­hil tatlo lamang silang magkakasama sa grupo.

Pina­ta­wan ng FIBA ng four-year ban ang Le­­banon na kasama sana sa Group B.