Final 12 ng Gilas Pilipinas pipiliin ni Reyes sa New Zealand

MANILA, Philippines - Bago ang kanilang la­ro sa New Zealand series sa Huwebes ay papa­ngalanan ni Gilas Pilipinas coach Chot Reyes ang kan­yang Final 12  para sa 27th FIBA-Asia Men’s Cham­pionships.

Ang kanyang mapipili ay mula sa 13 players na maglalaro sa New Zealand tour simula sa Martes.

Ang mga players na ma­kikita sa aksyon sa New Zealand na nauna nang lumahok sa training camp sa Lithuania noong na­karaang buwan ay sina na­turalized player Marcus Douthit, Gary David, L.A. Tenorio, Ranidel de Ocampo, Jeff Chan, Gabe Norwood at Larry Fonacier.

Kabilang din sa kopo­nan sina Jayson Castro, Marc Pingris, Junmar Fa­jardo, Jimmy Alapag, Ja­peth Aguilar at Beau Bel­ga.

Wala naman sa lista­han sina Sonny Thoss at Greg Slaughter.

Sumailalim si Thoss, ang second-string guard ng Gilas sa nakaraang Jones Cup at sa FIBA-Asia Cup, sa isang medical treatment sa China ma­tapos tulungan ang Alaska Aces sa pagsikwat sa ko­rona ng 2013 PBA Com­missioner’s Cup.

Kasalukuyan namang nag-aaral ang seven-foo­ter na si Slaughter sa Ate­neo.

Sinabi ni Reyes na ka­sama pa rin sina Thoss at Slaughter sa national pool, ngunit posibleng hindi rin  mapili dahil sa kabiguan nilang sumama sa pagsasanay ng Nationals.

Posibleng maging re­serves sina Thoss at Slaughter o pamalit sa mag­kakaroon ng injury pa­ra sa FIBA-Asia Men’s Championships.

Ang mga magsisilbing backups ay sina Kelly Wil­liams, Ryan Reyes at Ja­red Dillinger at sina cadet players Garvo Lanete, RR Garcia, Kevin Alas, Matt Ganuelas, Jake Pascual at Ronald Pascual.

Kabilang sila sa 24-man roster na isinumite ng Gilas sa FIBA-Asia no­ong Hunyo 18.