Azkals dapat kumuha ng mga Pinoy

MANILA, Philippines - Mas maraming local pla­yers, mas maganda pa­ra sa Philippine Azkals.

Ito ang panukala ni da­ting national football coach Juan Cutillas para sa Azkals na binabanderahan ng mga sinasabing Fil-Foreign players sa ka­salukuyan.

“Our local players must be very upset that they are not given the opportunity to play. I know they are discouraged,” sa­bi ng 73-anyos na Spanish mentor.

Ang Azkals ay pina­mu­­munuan ng magka­patid na Phil at James Young­­husband, Neil Ethe­ridge at Chris Greatwich.

Ayon kay Cutillas, li­ma hanggang anim na Fil-foreign players ang dapat panatilihin sa Az­kals pool kasabay ng pagkuha ng mga local-born booters.

Noong 1971 hanggang 1972 ay bumuo si Cutillas ng isang ‘Manila selection’ na kinabibila­ngan ng mga foreign at Fi­lipino players na tumalo sa South Korea, Hong Kong, China at Thailand.

Si Cutillas ang trainer ng RP Team na naghari sa FIBA-Asia Men’s Championships noong 1973.