Skiles kinokonsiderang coach ng Nets

MANILA, Philippines - Iniulat ng Racine Journal Times na ang dating Milwaukee Bucks coach ay kasama sa listahan ng mga kinokonsiderang magmamando ng Nets.

Iniulat na naghahanap ang Nets ng matalinong coach na mahusay sa opensa at sa coaching history ni Skiles, pasok siya sa unang criteria ngunit hindi sa pangalawa.

Naka-concentrate kasi si Skiles sa defense.

Pumasok ang Bucks ng isang beses lamang sa playoffs sa apat na taong coach nila si Skiles. Lagi ring may problema sa shooting ang Bucks. Kuwestiyunable rin kung ang style ni Skiles ay babagay kay point guard Deron Williams.

Nabanggit din ang mga pangalan nina Memphis Grizzlies coach Lionel Hollins at Phil Jackson na kandidatong coach ng Nets.

Sinibak ng Nets si Avery Johnson sa kaagahan ng season at ipinalit si P.J. Carlesimo  bilang interim. Pumasok ang Nets sa playoffs sa ilalim ni  Carlesimo ngunit pinakawalan din matapos ang kanilang maagang pagkakasibak sa postseason.