Alvarado inspiradong pabagsakin si Pacquiao kung magkakaharap sila

MANILA, Philippines - Ang maikunsidera bilang susunod na kalaban ni Filipino world eight-division champion Manny Pacquiao ay isang mala­king karangalan na para kay Mike Alvarado.

At kung maitakda ang kanilang laban sa Nob­yembre ay gagawin ni Al­varado ang lahat para ma­nalo kay Pacquiao.

Ito, ayon kay chief trai­ner Rudy Hernandez ang magbubukas sa 32-anyos na tubong Colorado, USA na si Alvarado ng mas malaki pang mga la­ban.

“It’s a money-maker, that’s for sure. And given the opportunity, of course we would go in it with the intention of beating Manny Pacquiao because that would open up an even big­ger opportunity,” ani Her­nandez sa panayam ka­hapon ng Fight Hype.

Si Alvarado ang kasalukuyang interim World Bo­xing Organization light welterweight titlist.

Isa ang pangalan ni Al­varado sa dalawang pi­nagpipiliang labanan ni Pacquiao (54-5-2, 38 KOs) sa Nobyembre.

Ito ay matapos ma­plan­tsa ng Top Rank Pro­mo­tions ang paghahamon ni Juan Manuel Marquez (55-6-1, 40 KOs) kay WBO welterweight king Ti­mothy Bradley, Jr. (30-0-0, 12 KOs) sa Setyembre 14.

Maliban kay Alvarado (34-1-0, 23 KOs), nasa listahan ni Bob Arum ng Top Rank si Brandon ‘Bam Bam’ Rios (31-0-1, 23 KOs).

Binigo ni Alvarado ang 26-anyos na si Rios via unanimous decision sa ka­nilang rematch noong Mar­so 30.

Ayon kay Hernandez, gagamitin ni Alvarado ang kanyang boxing skills kon­tra kay Pacquiao na na­katikim ng dalawang su­nod na kabiguan noong 2012 mula kina Bradley at Mar­quez.

“It wouldn’t be so much of us trying to impose size on him. It would be about Mike’s boxing. He would have to resort to boxing skills more than his size and strength,” ani Hernandez. “I don’t know if he could beat Manny with size and strength.”

Isang split decision win ang kinuha ni Bradley kay Pacquiao noong Hun­yo 9, habang pinatum­ba naman ni Marquez si ‘Pac­man’ sa sixth round no­ong Disyembre 8.