MANILA, Philippines - Magkaibang kapaÂlaran ang sinapit ng dalawang baguhang koponan na La Salle-Dasmariñas at University of San CarÂlos-Cebu sa 10th season ng Shakey’s V-League First Conference kahapon sa The Arena sa San Juan City.
Nakita ang husay ng mga imports ng Lady Patriots na sina Jennifer ManÂzano at Chie Saet nang maghatid ng magandang numero patungo sa 25-14, 25-21, 25-21 panalo sa Letran sa Group A sa ligang inorganisa ng Sports Vision katuwang ang Shakey’s Pizza.
May 14 attack points at tig-dalawang blocks at service aces si Manzano tungo sa kanyang 18 puntos, habang ang nagbabalik na si Saet ay may 8 puntos.
May 9 hits si Justine NaÂvidad, kasama ang tatÂlong blocks, habang siÂna Monique Tionco at CherÂry Rose Nunag ay nagsanib ng 9 puntos para sa Lady Patriots.
Hindi naman kinaya ng CESAFI chamÂpion Lady Warriors ang mas maÂbigat na laro ng beteranong Adamson na kinuha ang 25-13, 25-22, 25-21 paÂnalo sa ikalawang laro.