MANILA, Philippines - Ang manager ni world boxing prospect Drian Francisco, si Fr. Vic Calvo ng NCAA host school Letran at ang grupo ng Pacific X-treme Combat ang magiging bisita sa PSA Forum ngayong umaga sa Shakey’s Malate.
Tatalakayin ni Elmer Anuran ng Saved By The Bell Promotions ang darating na laban ni Francisco sa undercard ng Brian Viloria-Hernando `Tyson’ Marquez unification flyweight title match.
Ilalahad naman ni Fr. Calvo ang mga events na lalaruin sa second semester ng 88th NCAA season.
Itatampok din sa naturang pang alas-10:30 ng umagang sports session na isinasaere sa DZSR Sports Radio 918 at inihahandog ng Philippine Amusements and Gaming Corporation (PAGCOR) at Shakey’s si PXC flyweight champion Ale Cali na magdedepensa laban kay Erwin Tagle sa Sabado.
Makakasama nila sina undefeated featherweight Mark Streigl at PXC CEO at promoter EJ Calvo.
Inaasahan ring dadalo sa public sports session si Philippine Amateur Track and Field Association president Go Teng Kok.