Kampo ni Edrin Dapudong umapela sa IBO

MANILA, Philippines - Dumulog ang kampo ni Edrin Dapudong sa pa­ngulo ng International Bo­xing Organization pa­ra ihingi ng hustisya ang kontrobersyal na pagka­talo ng Filipino boxer kay Gideon Buthelezi ng South Africa.

Matatandaan na nila­ba­­nan ni Dapudong si Bu­thelezi sa Emperor’s Palace sa Gauteng, South Africa noong Linggo para sa bakanteng IBO super flyweight title at kahit na dinomina niya ang dating two-division champion at napatumba sa ninth round ay napagkaitan siya ng pa­nalo ng dalawang hura­do.

Ang kababayan ni Bu­thelezi na si judge Tony Nyangiwe ay naggawad ng 115-112 iskor, habang si Michael Pernick ng Mia­­­­mi, Florida ay may 115-113 iskor.

Si judge Reg Thompson ng Great Bri­tain ang pumanig sa 26-anyos na si Dapudong sa dikitang 114-113.

“I am preparing a formal letter addressed to IBO president Ed Levine asking for a review of the vi­deo tape of the fight,” wi­ka ni dating North Co­ta­bato governor Manny Pi­ñol na tumutulong kay Da­pudong.

Nasa ringside din si Pi­ñol sa araw ng laban ka­sama ang promoter na si Aljoe Jaro at nakita rin ni­ya ang pagkakamali sa iskoring ni Pernick sa ninth round.

Bumagsak sa naturang round si Buthelezi pero ang iskor ni Pernick ay 10-9 sa halip na 10-8.

“I am also seeking sanctions against American judge Michael Pernick who scored the 9th round, when Buthelezi was knocked down, 10-9 instead of 10-8. We believe we stand on solid ground and we are asking the IBO for a rematch,” dagdag ni Piñol.

Ikalawang tangka ito ni Dapudong sa titulo ma­tapos noong Hulyo 2, 2011 nang matalo kay Me­xican Hernan Marquez.