Froggyland sa Croatia, kakaiba!

Habang ang iba ay nalilibang sa pagpipinta, o ‘di kaya naman ay sa pangongolekta ng mga antigong kagamitan, kakaiba naman ang trip ng hobbyist na si Ferenc Mere na merong 500 na patay na palaka na ginawa niyang mga tau-tauhan.

Si Mere ay isang 20th-century Hungarian taxidermist. 10 taon ang iginugol niya para mai-arrange ang mga nasabing amphibian at makagawa ng tinatawag niya ngayong Froggyland – isa sa mga kakaibang tourist attraction sa bansang Croatia.

Ipinreserba ni Mere ang mga nasabing palaka kung saan gumamit din siya ng advanced technique. Pinapasakan niya ng mga cork ang mga ito sa bunganga para hindi na kailanganin pang tahiin.

Itinuturing na masterpiece ang gawa niyang ito, dahil hanggang ngayon, ang amphibian taxidermy ay isa parin sa may mga komplikadong proseso na iilan lang ang may kayang gumawa.

Nasa isang libo ang orihinal na bilang ng mga palaka, at 507 lamang ang naipreserba.

Ang Froggyland ay may 21 exhibits na talaga namang nakakaaliw pagmasdan. Para silang mga tao na nasa isang malaking silid.