Dear Vanezza,
Sobrang sungit at higpit ng nanay ng GF ko. Kaya sa messenger ng Facebook na lang ako nagpapaalam. Noon pa man ay hindi na boto sa akin ang nanay ng GF ko kaya sa takot ko ay hindi ko magawang makausap ang magulang niya ng harapan. Bigla na lang ay naka-block na ako sa messenger ng nanay niya. Hindi ko magawang humarap pa dahil wala pa akong maipagmamalaki dahil student pa lang ako. Ano ba ang gagawin ko? – Gian
Dear Gian,
Hindi naman naghahanap ang nanay ng GF mo ng mayaman na BF, kundi ang respeto na harapin siya bilang magulang ng nobya mo. Kung hindi mo kayang humarap sa nanay niya ay tiyak na ayaw ka rin niyang kausap sa online lang. Tiyak na feeling ng nanay ay nababastos siya bilang magulang ng GF mo.
Sumasainyo,
Vanezza