‘Userfriendly’ na classmate

Dear Vanezza,

Yung friend ko na mabait lang kapag may kailangan sa akin, pero kapag nakatalikod ako ay puro paninira ang pinagsasabi. Gusto ko na nga siyang i-block sa social media account ko. Para hindi ko na mabasa ang kanyang mga shout out na parinig sa akin. Dahil hinala ng mga friends namin ay ako ang pinapatamaan niya dahil mas lagi akong lamang sa kanya na hindi ko naman sinasadya. Ano ba ang gagawin ko sa ‘userfriendly’ o manggagamit kong classmate. – Moi

Dear Moi,

Kung hindi healthy kasama ang iyong classmate ay mas mabuting lumayo na sa kanya. Tama na i-block mo na rin siya upang hindi na masagap ang negatibong vibes nito para hindi ka mahawa. Mas piliin ang mga taong maniniwala sa iyo at nirerespeto ang iyong pagkatao.

Sumasainyo,

Vanezza